Cynlluniau Chwarae Haf 2010 Bydd Hwyl a gemau ar draws Cwm Gwendraeth yr haf yma, gyda nifer o glybiau chwarae mewn lle i gadw plant yn brysur dros wyliau'r haf. Wedi eu trefnu gan Fenter Cwm Gwendraeth, bydd y clybiau chwarae yn cael eu rhedeg mewn tair canolfan ar draws y cwm yng Ngorffennaf ac Awst ac yn darparu ffordd rad a chyfeillgar i ofalu am blant pan nad yw'r ysgol ar gael. Bydd y clybiau yn cael eu cynnal yn Ysgol Y Gastell Cydweli, Ysgol Idole ac Ysgol Cross Hands. Dywedodd Meinir Griffiths, cydlynydd prosiect Menter Cwm Gwendraeth "Mae'r clybiau ar agor i blant yr ardal sydd rhwng pedwar ac 11 mlwydd oed, ac yn mynychu ysgol gynradd yn llawn amser" Mae'r clybiau'n cynnig gofal plant proffesiynol gan fod pob un wedi ei gofrestru gyda'r Arolygaeth Gofal a Gwasanaethau Cymdeithasol dros Gymru ac yn ogystal yn cynnig cyfleoedd chwarae diogel i blant. Ychwanegodd Meinir, "Bydd gan y plant ddigon i wneud, gyda gweithgareddau yn cynnwys celf, chwaraeon, gemau a dawns. Mae'n ddelfrydol i rieni sy'n gweithio a hefyd i blant i aros mewn cysylltiad gyda'u ffrindiau yn ystod gwyliau'r haf". Mae Menter Cwm Gwendraeth wedi cynnal y clybiau haf yma dros nifer o flynyddoedd fel rhan o'i ymrwymiad i ddatblygu prosiectau i blant a phobl ifanc gyda'r pwyslais ar hyrwyddo'r defnydd o'r iaith  Gymraeg. Os hoffech lle i'ch plentyn, gofynnir i chi gofrestru gyda Menter Cwm Gwendraeth-Llanelli. Gan fod llefydd yn brin, gweithiwn ar sail y cyntaf i'r felin. Bydd angen i'r plant ddod a'u cinio eu hunain yn ogystal â thalu ffi ddyddiol. Am fwy o wybodaeth, cysylltwchâ Meinir Griffiths ar 10269 871600

Cynlluniau Chwarae Haf 2010 Ysgol Cross Hands Dydd Mawrth, Dydd Mercher a Dydd Iau 8.30yb tan 5.30yp Cychwyn 27 Gorffennaf tan 19 Awst 2010 Ysgol y Gastell, Cydweli Dydd Mawrh, Dydd Mercher a Dydd Iau 9.00yb tan 4.00yp Cychwyn 27 Gorffennaf tan 19 Awst 2010 Ysgol Idole Dydd Llun tan ddydd Gwener 8.30yb tan 19 Awst 2010 Cychwyn 26 Gorffennaf tan 20 Awst 2010

Clwb Gwyliau Cross Hands
Clwb Gwyliau Gwenllian

               Mr Keith Towler gyda phlant Clwb Gofal
                     Ysgol Pontyberem, staff y Clwb a 
Deris Williams a Nerys Burton, Menter Cwm Gwendraeth